• طنز/قابل توجه پسران دانشجو


• دوس داری باکلاس بشی


• ضرب المثل


• چگردلیلس


• ناکوناکام/بچکند


• دجال وشیطان


• اشعارمشهورحافظ


• نبشتانک


• پسابندر


• شعربلوچي


• شعرحمل جيند


• شعرچاكروگوهرام


• روستاهاي هستان سيستان وبلوچستان


• ازبين رفتن زبان بلوچي


• حملات بزرگان


• جملات زيبا


• اس ام اس


• روستاهاي شهرستان چابهار


• روستای دوررابشناسیم


• روستای بریس

مكران

وشين وطن مئي وطن مکران

دا ئم ببا تي كامران

آباد و سبز و ميزران

هر وقت كه تئي نام ءَ گران

5- تئي بو چو مسك ءَ بيت زران

سيه ببد وبرزين تيهران

گپ ءَ جننت گون جمبران

تئي سرشم و درنگ دران

درٌ و صيادي سنگران

10- تئي كلٌگ و تئي آپ سران

سبزين گونگ گون زامران

خوشبو تر انت از زاعفران

كولگ گون شير كمبين گران

كور دپ گون داز كيلٌران

15- تئي كوچگ و تئي كهچران

سولين كهير گون شنكران

جُگر و كهير و كلپران

شيرين تر انت از شٌكران

جوپاك پلي په بي دران

20-برنج رون مر اهي شامگران

نشته دني چو گونران

دستورءَ‌ دنت په چاكران

كشٌنت په سربارگران

گراماني چيرا تتٌران

25- پند وك مه گواپان پشكران

هوش ءَ‌چننت كِرٌ گوران

كتٌ ء كننت چو تاجران

كندنت گون زالان اندران

هامين گون پلٌين پتٌران

30- با نجيك ءِ بهرانت بزگران

انسان و مرغ و رستران

كنٌج په وار ولنگران

دهقان گون تورء شيك وران

برزين گر يلاني سرءَ‌

35- گورشان چو شينكي تكران

ايوند چو مارا شيب گران

پونچن چو مورءَ سر سران

گون پات و كپات و كمبران

لو ريگ گون تيه تمبران

40- مولد گون نازينك و سران

ناچي گون صوت و زيمران

شاده كتگ روش آروان

تئي لنجين تياب و بندران

دريا گون وا د و كلران

45 – بوجيگ گون لوهين ننگران

مچٌو گون آماهي گران

كاينت چه نيل بوئين زران

گون سارم و تِگلِم و لوجران

دل سوكءَ‌ بنت حرما وران

50- تئي زيد و چراگين سولدران

گريشگ گون كاش و كلدران

يگ گون نه لد ين هشتران

اسب و هزاري كره بر آن

بز گل گون ميش و ميهران

55- مهري گون پل پاكران

كيره گون پيلي باهران

داچي گون بي گومسين جران

كاينت چه زيده زانزران

پرٌ اب و ت اب و ت اهران

60- گاميش گون ديهي ددران

نا هنجمين كاريگران

گوننت شريك و نوكران

تئي سربلندين مهتران

راج ء كماشين سروران

65- صاحب دلين دل پروران

تئي مان مياتكين كنگران

نوجوانان گون شيري تيتران

برانزء گرنت چو اشكران

پشت ء نكنزنت چوتكران

70-تئي مهربانين مادران

سير دينت شير گلٌران

بلكين كپنت روچي گران

بكشنت سرءَ په برادران

تئي مه لكاين دحتران

75- پاكنت چو آپي گوهران

چيرنت چه چشم احتران

عهدش كتگ گون شوهران

مري نه دكٌت ماپران

اي مكران اي مكران

80-دائم په تئي يادءَ رزان

تئي مت نانت مازندران

وصپ ات كنان دان دم بران

هِچبر مباتي ليٌمران

دنيا ء گشت و چكران

85- سوچ بي اعتبارين منكران

شيطان ءِ يبل و برادران

شيپنت تئي نام ء مان پران

تئي صاحبي گپٌ وتران

نقشنت مه كهنين دپتران

90- گون انت گشوكين شاعران

شنگنت مه كند و كشوران

جي مئي وتي ملك كهن

ميرين بلوچان وطن

رشك يمن داغ ختن

95- دوستي بسي نزديك من

تئي دوك و د ل درٌ عد ن

گز و كنز و سرو سمن

بياتو بكن گون ما سخن

آگوستگين گپٌان بجن

100-تئي پاريكين ورنا كُجنت

دريا دل لشكر شكن

از گردش دهر دورنگ

شُت از جهان ءنام و ننگ

دنيا مج و تاريك وتنك

105- زرتگ بدان رسم پرنگ

كپتگ چه شاگان نر پلنگ

پروشتگ گماني شيراني ونگ

رتكنت چه بازان بال چنگ

جوشءَ جننت كانگشك و كنگ

110- دنيا پريب پوشنگ

لجٌ و حيا ء باركتگ

بارين بلوچ چو پتتگ

حيران و حشكنت گتتگ         

الله يا خداداداني

الله يا خداداداني

شهبانزءُ‌ سخي لاراني

كوت ءُ واجهين شهراني

سرتاج ءُ ولي پيراني

سواليگان دوئين نورني

شهبانز من تئي با هوتان

چم ؤُ ديدگان ءَ لوتان

زرين گوانزگ ءِ چاگردان

چار پاسين شپان من گردان

شهبانز من تئي سواليگان

سواليگ ؤ زهيرناليگان

شهبانز سمبه ءُ سوريگنت

رنگي جنت ءُ حوريگنت

الله يا خداداداني

شهبانزءُ‌ سخي لاراني            

دوست ءَ من ءَ تيري جته

دوست ءَ من ءَ تيري جتا،تيرا من ءَ‌زخمي كتا

مولا مناءَ توفيق بدي تا من دشمن ءَ‌ برباد كنان

من مران بازيني مرتا، باز كيت رند من ءَ

اي زمانه كس ءَ نه بنديت بلي روتين بي وفا ءَ

مالُن دات ءَ جانُ دات ءَ سر وتا كربان كت ءَ

چي دگر هستين منا را بلي روتين بي وفا ءَ

كس نكنتِ‌ چو دشمن ءَ را بلي روتين بي وفا را

چنتمين سالنت من ترٌان ، تران گردان در په در

كس نكنتِ‌ چو دشمن ءَ را بلي روتين بي وفا را

من مران بازيني مرتا، باز كيت رند من ءَ

وپسان منارا واب نيست، تران من ءَ آرام نيست

دوست ءَ من ءَ تيري جته، دشمن من ءَ بر باد كت ءَ

مولا مناءَ توفيق بدي تا من دشمن ءَ‌ برباد كنان

الله ، يا محمد مصطفي هم طالب ديدارهين

آپكي روح منٌور پر پداهي يارهين

هجركي صدمون سي جانا مر متي شيدا تري

يه طلبگار مدينه عششق سر كار هين والله

جس ني اُمت لئي دينامين تكليفين سِهين

وه شهنشاه عرب اور سيد سالارهين  .........................

هلو هالو

هلو هالو كنيت ماسءُ گُهاران

بريتي كو رگان ماس ءُ گُهاران

سَري ءَ شوديت په عطرءُ گلابان

هلو هالو كنيت سالونك نوابين

سر ءُ جاني په عطر گلابان

هلو هالو كنيت سالونك نوابين

پرچي تئي موداني په بي آگلين

اي شپ ءِ هنٌي ءُ شپ ءِ روزگارا نت

مني بچٌك رسته چو قرا انت

مني بچك حداي نون مياانت

مني بچٌ همي كوشان توارنت

مني بچٌ ءَ حدايا بياري

مني بچك كُرآن نون ميارنت

الله مني بچٌ ؤَ ببر كو رءَ مداريت

اي شپ مني بچٌ ءِ هنيگ ءُ سر ءُ شود

مني بچك خداءَ نون ميارنت

بريتي كورگان ديري مه ياريت  ......................................

قافله والا

هو بلكين نه مرتون ضرور من گون ترا ملان

اُ، قافله والاءَ رازن ببر گون

هو بلكين نه مرتون ضرور من گون ترا ملان

اُ، تو چدا لدي جوانان چا گلءَ بو جي

هو بارگءِ دستان جوانان حنٌيءَ لوجي

اُ، قافله وا لاءَ رازن ببر گون

هو بلكين نه مرتون ضرور من گون ترا ملان

اُ، قافله و الاءَ رازن ببر گون

هو بلكين نه مرتون ضرور من گون ترا ملان          .....................................

حقََّی آواز

يك شـپی چنـدی هم خيالين يار

هـمدل و هـمصدق و سخن سينگار

دل پر از مهر و قومي هـمدردي

آتكنت په قصـد گندك و ديـدار

وقتی كه دور هـمـدگر نشـتِـن

گله اِش ای رنگا كتـگ اظـهار

تو نگندَی كه شپ شتگ، سياهيـن

شنگتگ بام و تو نبَی بيـدار

مَی گـلگ ديرين مــدتی وپتــگ

بيتگ چه بازين وپسگان بيـزار

دن جـــرس آواز نكنت كــوچـی

مهـري مان راهـایِ نبنت كـتّار

قافـله چـون چـون كپيت كشـكا

سـر مكـشّيـت دن قـافله سـالار

بـی شپانكا كه روت رمگ دنّـا

تو بزان وت كه سوب كنت هپتار

مارا هـم حـقّی هست هـمی ملكا

هچـكس مَـی حـقایِ نكنت انـكار

حق نه انت چيزی كه رسيت مُپتا

بايد انت حقا پد بـجنت حقدار

مَـی بلوچستان جزو ایران انت

پرچيا كپتگ وار و بی گموار

آكه گموار انت دستِش كوتاه انت

آ كه سردست انت خائن و غـدّار

مَی جوان جت و جاهل و تنبل

بی وت و رسوا بر سر بازار

علـم و فرهنگ و دانشا مـحروم

تـخته مشـق انت حيله و آزار

دكتر و دارو گواچي انت دروگين

هر گورا نالنت بزّگيـن بيمار

وندی كه نام گپت انت بلوچاني

راهَی نيما كيت يكبرا بيت گار

گشنگيـن مردم چه شدا گريونت

پر گلی كنديت ميتگَی سردار

آكه همشام انت لاپِش هاليگ انت

پُرّ انت چه پولا كيسه زردار

لاگرين حـمّالَی كَوَر ريش انت

گون تـجوريا وشدل انت تجار

دهكان كه جانشود انت وتي هيدان

چايي مـحصولا كت كنت هـتار

آخر ای تبعيضَی دوا چي انت

كندگين مير و گريوگيـن پاكار

هـمَّتی كن كه وقت فرياد انت

آستيگان لانچ و هـمبلان شاكار

من جواب داتگ كه چون كنان بيلان

در قفس شاهيـن نكنت هنزار

من كجا ای كاران كپان بارين

روز و شپ مثل اشتـرا بيگار

شپ كدي انگت كتتگ سياهيـن

جُنجُری آسـمانا نـجنت استار

ظلـم و ظلـماتا پوشتگ دنيا

چيري چت عدل و هــمت و ايثار

زورَی چم كور و گوش سيه چُپت انت

حقا په آساني نكنت اقرار

جو ترا دنت و پيش كنت گنديم

گون زبان دراجي كنت ترا بيوار

ظلـم و ناداني فطرت انت خلقَی

فطرتَی سندگ باز بيت دشوار

دايما دنيايَی رواج ايش انت

كج رواجين چرخَی گردش و رفتار

هست اَت يك سَيّاسی هبنق نام

اشتر و اسپي داشتگ اَت بسيار

فربهان كاه و داني دات دايم

لاغريناني هچ نكت تيمار

يكيا جست كت ای چه اسراری؟

تو بگوش چي انت حكمت ای كار؟

چو جواب داتگ مرد سيّاسا

من نيان هوری بی مت و بی سار

لاغر و ليتان كنان دلگوش

فربه و شرّينان كنان انگار

ای سياست چه بندرا گون انت

پر هــمی رهبندا رونت عيار

فربه چه اسپُست و جوا سير انت

لاغرين سُهتِ پنجگی پيتار

ارسی په هابيلا نريچيت كس

اوشتنت مان قابيلَی كشا مكّار

گون كيا فرياد كنان بارين

هچكسَی گوشان نروت كوكّار

گله چه در قومان كنان پرچی

مَی‌ وتي برات نشكننت گفتار

من ننالان چه دست دنيگان

تپ منا مان انت از وتي كاتار

سنگ و شيشگ چه بندرا سياد انت

پروشتگ ای سنگا شيشه آبدار

آس هــمی دكّانَی چراگيگ انت

سوتكگي واهندَ‍‍ی وتي انبار

سرباز دن سرحد و سراوانا

پهرگ و پنوچ و گِه و لاشار

هُنگ و بمپُشت دن حد مينابا

بنت و بشكرد و زرگور و چهبار

كل بلوچ يكين لوگَی‌ فرزند انت

گون هــمی يكين جامگ و شلوار

نين كه ما ايراني بلوچ تهنا

بلكين دن حبّ و سيبي و خُضدار

چاكر و گوهرامَی يلين پُسّگ

نَيلَنت مان لانكبندَی بُشا ليگار

چون بلوچا ای شات بيت پر وت

نامي بيت دُزّ و رهزن و اشرار

رهزني سانداني گورا عيب انت

دُزّي په بهدارين بلوچان عار

بی حيا كه پتيت ماتَی پندولا

كشّيت چه براتَی كيسّگا كلدار

دستـي په سيادَی زگرگين هونان

سهر انت دن سروشان رسترين هونوار

چورا مان ديوانا نچندينيت

گون دپَی پهران نبيت تامدار

دايم مان راجاني تها موت انت

مانيت دن هپت پشتا شگان سربار

چو نه انت رسم و دود بلوچاني

قومي مرداني كارپد و كردار

اژدها كوهان گور بوريننت

لوگي دپ چتنت كيپك و كتار

كَی پرا نامردا دلا بنديت

جنت وتي لوگَی پرتكان آوار

نَی دپا لبز و نَی حيا چمان

نَی دلا رحم و نَی سرا اوپار

زار پما كلپ و كوتكين چُكّا

كنت پتَی پاگا سِلّ و بی پَلگار

هركس كه اسلاما ببيت منكر

بلّي مان دريايا كپيت گمسار

ره چُشين قومَی گار و بيگواه انت

چون گيشّيت پلپل پُتَی گيوار

بگّي جر سوت و برّ و بی گومسين

ديرسرين پندان نكشيت بار

بار هــما جوگين ليرو زير انت

كار نه انت كوارّوكين كواتَی يار

مَی‌ دوا سوچك و ساچگ و صبر انت

باز برا داگا دراه بيت بيمار

بلكنا روچی ليت كنت گردون

گوش كنت روچ از گوشه كُهسار

دن هــما حدایِ برِن صبرا

بر بدنت وشّين كچّلين ديدار

كوه و كندگ ای رهسرا باز انت

چيلّ و آبدِرّ و گريشگ پُر خار

پشت ای كوهان دنّ كيت پراهين

تچك بيت آخر راه ناهــموار

تنگ و زين تازي كُرّگان كجيت

مادنين راهایِ چننت رهوار

روچ نبيت چير جمبران پنهان

شال مدام هــمنرخ نبيت گون شار

ظلـم روت برزا و پدا ترّيت

اير كپی هست انت سركپا ناچار

هر وقت كه نوبت چك جنت زورَی

ترسيت چه لنگين موريا سيه مار

پوری كه شانكي دنت جنوزامی

قدر يك بمب هسته اي كنت كار

ده گدا بازارا جننت فرياد

گنگ بيت جوابا توپ آتشبار

كد كدي بيت كه جه بجنت استين

ژند بكنت كوه و كوچگان سرگوار

سَندگ و بيت و كهچر و زيدان

يكبرا هــمدستا بملّيت هار

آدروين كيلّگ مَی پدا تركّنت

پُلّ بنت ولّ و گبّ بنت تيجار

بيرّ بنت كوراني كُنر سبزين

مِنج بنت سول و شاخ جنت ليوار

تپت روت وشكوشيـن بهار كيت

بيت جهان سبز و خُرّم و گلزار

پر هــما وشّين روچَی اميدا

توكل په ربّ واحدالقهار

حقَّی آواز انت گوانك عبدالله

تو اگر وابينگ نيَی گوشدار  .........................................

كسانكين آسكلك

كسانكين آسكلك جنگلان تُريت

تيشگي گوننت دنگران بُريت

جيگي رزينتا ،بارگ، دوستي رمبينتا

كسانكين آسكلك جنگلان تُريت

تيشگي گوننت دنگران بُريت

كوه ءِ سرا شه اير كپاننت والله، بارگ ءِ‌ پاديكان توارنت

كسانكين آسكلك جنگلان تُريت

تيشگي گوننت دنگران بُريت

جيگي رزينتا، مارَي رَمينتا

كسانكين آسكلك جنگلان تُريت

تيشگي گوننت دنگران بُريت          .......................

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه:

بی عشق زندگی کردن ممنوع
پسران مکران
پسابندر
فــــــــوتبال بريــــــــس
جوانان بریس
رازگوبلوچ(کودک درون)
رسانه بلوچ
انجمن علمی بلوچ
بلوچ لاشار
پـــاتـــوق بلـــوچ̉̉̉
کیت اگزوز ریموت دار برقی
ارسال هوایی بار از چین
خرید از علی اکسپرس
الوقلیون

آرشيو پيوندهاي روزانه